Kullanıcı Tag Listesi

Tahir Talıblı Enidbi tanrıdan,haqdan Dərddi yenə bizə gəlir, Gedən aldanışa gedir, Gələn hələ duza gəlir. Mayası qudurub nəfdən Kefcili bayılıb kefdən, Əzrayılla hər tərəfdə Adamlar üz-üzə gəlir

Bu konu 860 kez görüntülendi 1 yorum aldı ...
Tahir TALIBLI 860 Reviews

    Konuyu değerlendir: Tahir TALIBLI

    5 üzerinden | Toplam: 0 kişi oyladı ve 860 kez incelendi.

  1. #1
    word_12 - ait Kullanıcı Resmi (Avatar)
    Üyelik tarihi
    29.09.08
    Mesajlar
    3
    Beğendikleri
    0
    Beğenileri
    0
    Bahsedildi
    0 Mesaj
    Etiketlenmiş
    0 Konu
    Tecrübe Puanı
    0
    @word_12

    Standart Tahir TALIBLI

    Tahir Talıblı
    Enidbi tanrıdan,haqdan
    Dərddi yenə bizə gəlir,
    Gedən aldanışa gedir,
    Gələn hələ duza gəlir.

    Mayası qudurub nəfdən
    Kefcili bayılıb kefdən,
    Əzrayılla hər tərəfdə
    Adamlar üz-üzə gəlir

    Beləcə dogub törəyib
    Qurdu qəmgin,quşu qərib
    Bizi yiyəsizmi görüb
    Ölüm üstümüzə gəlir
    07-08 mart 2008

    Tahir Talıblı
    Yazı-haqq təala ilə öz arasındakı
    məsafəni,vaxtı görə bilməkdi
    Dünya min ilki dünyadı
    Elə bildirki dünyadı
    Bir üzdə iki dünyadı
    Yoxdandımı,haqdandımı

    İçimdə yollar yorulub,
    Gözümdə göylər yumulub,
    Qırılan haqdan qırılıb
    Azdandımı,çoxdandımı
    Agırı quşlar götürmür,
    Qurunu yaşlar bitirmir,
    Mənimki başdan gətirmir,
    Bəxtdəndimi,vaxtdandımı.
    2005

    Tahir Talıblı

    Haqsız qaldım,muzdsuz gəzdim
    Əlim haqqa yetər eylə
    Axırda canımdan bezdim
    Yadı mənnən betər eylə

    Yetim quzutək teyləndim,
    Bəxtə,yigvala söykəndim
    Gəldim,qapında əyləndim
    Ya sat,ya da nökər eylə

    Gəlmişdim ki,haqqı bulum,
    Ədəb görüm,ərkən bilim,
    Gördüm min yol yeydi ölüm
    Apar lap təzə tər eylə
    2005
    Tahir Talıblı

    Hər adam dərdi tanımaz,
    Dərd tanımaz hər adamı
    Dərdlər var ki,qəbirdə də,
    Gəlib yoxlayar adamı

    Ürəyimə düşən çatlar,
    Içimi yüz yerdən odlar
    Bir-birindən yeyik dərdlər
    Diri saxlayar adamı

    Bir gün məni də duyallar
    Duyub şeytanı söyəllər
    Elə belə də deyəllər
    -bu ruhuymuz.qar adamı?



    Tahir Talıblı
    Bu tale dediyin nədi
    Bir əlcə varaqdı yoxsa?!
    Bir üzü qara yazılı
    O bir üzü agdı yoxsa?!

    Gedən yollar uzaqdımı,
    Gələn günlər sazaqdımı
    Mənimki yaşamaqdımı
    Adıcə maraqdı yoxsa?!

    Ömürdə bir ömür deyil,
    Səbirdə bir,dəmir deyil,
    Son yerimiz qəbir deyil,
    Bir qızıl otaqdı yoxsa?!

    Tahir Talıblı
    Bir kimsə bilməz necəsən,
    Xəbər yox halınnan sənin
    Yarandı küllü-kainat,
    Bir kəlmə olunnan sənin.

    Biz kimik,heçik gedirik,
    Zamannan keçib gedirik,
    Beləcə,köçüb gedirik
    Sagınnan solunnan sənin

    Olanlar,Mövlam,xoş oldu
    Mənim də peymanım doldu
    Tahir bir xatasız quldu
    Nə gələr qulunnan sənin
    2006


    Tahir Talibli
    Qorxu
    Gedirsən yoluna çıxır,
    Durursan qarşına gəlir,
    Qorxudu,qorxduqlarındı
    Hamısı başına gəlir

    Dagına daşına gələnlər,
    Qurduna quşuna gələnlər,
    Sonda başına gələnlər,
    Əvvəldə tuşuna gəlir

    Azında çoxun qurtarır,
    Gözündə yuxun qurtarır,
    Elə ki,qorxun qurtarır,
    Ölümdə xoşuna gəlir
    2007

    Tahir Talibli
    Gedən Süleymanlar,şahlar,
    Dönən,taxtdı,taxtdı
    Sənə güvəndiyim daglar,
    Sənə də gümanım yoxdu

    Gəldi də yaşımız çatdı,
    Pisimiz,yaxşımız çatdı,
    Insanı yaşadan baxtdı
    Qəhr edən də baxtdı,baxtdı

    Torpaq altda itəsiyik
    Haqdan birdə bitəsiyik
    Bir də çıxıb gedəsiyik
    Desələr ki,vaxtdı,vaxtdı
    2007
    Tahir Talibli

    Öz içimnən başladıgım
    Sona çatıb yürüş daha
    Butalamaz ayrılıqlar,
    Kama yetməz görüş daha

    Öz-özünə kim qocalıb,
    Daha əllərim qocalıb
    Içimdə içim qocalıb
    Gətirəmmir duruş daha

    Içibdi eşqin camını,
    Dadıbdı dərdin tamını
    Tanrının bu adamını
    Göy üzünnən soruş,- daha
    2007

    Tahir Talibli
    Yerin tanrının yanımı
    Beləcə ucadı bilmədim,
    Istədim açım qapını
    Halın necədi bilmədim

    Yeddi qat sirrər oyatdı
    Yeddi dag,bələn oynatdı,
    Sözün içimi göynətdi
    Könlün incədi bilmədim

    Çixmaqnan bitməz hər yoxuş
    Bitməz,saqqalı agarmış
    Bizdən öncə ölüm varmış
    Ölüm öncədi bilmədim
    2007

    Ay,Tanrı,məni quş elə

    Bagla bir quş qanadına

    Təzədən birdə quş elə

    Bir gözəl qız inadına


    Dünya məni əndirsin qoy,

    sonra köntöy dindirsin qoy

    sonra,yenə mindirsin qoy,

    bir dəlisoy cin atına


    Sular dəyə-dəyə gedir,

    daşı döyə-dəyə gedir,

    hamı gizlənməyə gedir,

    bəlkədə torpaq altına





    Qəmnən dogulacaq şairlər hələ,



    nə qədər dünya var,pərti olacaq



    bəlkədə dünyada sonuncu şair,



    dünyanın sonuncu dərdi olacaq



    2002







    Gündə sərdənər sürünər,

    anasız quzular mələr

    köç qalxar,yurdu görünər

    sinəm bir arxac yeridi



    bitdim yolların boyunca

    getdim bir xəyal olunca

    könlüm köç eylər dalınca

    yönüm mövlanə piridi



    hər sevdada ayrılıq var

    ayrılıqda sarılıq var

    bu çəkdiyim ayrılıqlar

    mənnən qəribdi,diridi

    2000



    Sirr

    (Atillanın kiçik toyunda söylənən şer)

    Bir sirr gəlir içimiznən

    kökdə kökümüznən gəlir,

    yerdə suyumuznan axır

    göydə göyümüznən gəlir



    sürür,südnən,sümüknən

    çərtir,qannan iliknən,

    yol gəlir elnən,elliknən

    gələn,hamımıznan gəlir,



    açılmır neçə qat söznən,

    görünmür ikicə göznən,

    ölən ölür ölümüznən,

    qalan dirimiznən gəlir,



    nədisə şirin duygudu,

    pirrər yozdugu yuxudu,

    sirr olan,sirrər oxunmur-

    biznən gedir,siznən gəlir



    30.12.2002





    Bu tale dediyin….



    Bu tale dediyin nədi,

    bir əlcə varagdı,yoxsa?!

    bir üzü qara yazılı,

    o bir üzü agdı,yoxsa?!



    gedən yollar uzaqdımı,

    gələn günlər sazaqdımı,

    mənimki yaşamaqdımı,

    adicə maraqdı yoxsa?!



    ömürdə bir ömür deyil,

    səbirdə bir səbir deyil,

    son yerimiz qəbir deyil,

    bir qızıl otaqdı yoxsa?!



    iyun 2002



    Dərd tək gizlincə gəlirsən

    gəlirsən dəmin yerinə

    bəxtdi girov saxlamışam,

    yüz bəxti kəmin yerinə



    ya ömrə,ya ya yaşa köçsən,

    ya gözə,ya qaşa kəçsən

    ürəyimdə başa köçsən,

    buyur,keç qəmin yerinə,



    insan olmagımnan bezdim,

    tanrım,yellerinnən gəzdir,

    atıb sularında üzdür,

    bir taxta gəmin yerinə,



    öldüyüm günü bilirəm,

    ölümün üstə gəlirəm,

    yoxsa əcəlsiz ölürəm,

    görəsən kimin yerinə,

    01.02.2001





    Dərbənd

    Uzaqdı özümüz qədər,

    yaxın da dərbənddi bizə

    könül qarabaqdan keçər

    dərbənd də bir dərddi bizə



    gözümüz odu yandırar,

    agzımız dadı yandırar,

    çölümüz yadı yandırar,

    içimiz qürbətdi bizə



    gəldik, gedirik,yürüdük,

    gəldik özümüzü gördük,

    yarı agrı,yarı dərdik,

    dərd olan şöhrətdi bizə

    2001



    Gəzirsən təkcə,tənhaca

    bütün hamılardan uca,

    baxışım üstündən uçar,

    bürüncəyin şalın olsun



    neçə dildə adın hallanır,

    arxanca gölgəm səslənir,

    gülürsən yanagın allanır,

    o allanan xalın olsun,



    şalı salıb geyinirsən,

    gözəlsən haqqı öyünürsən

    bilmirəm gecələr neynirsən,?

    neynirsən halalın olsun



    Bilgəh,iyun 2002





    Agrı təlaşdı çəkdiyin,

    deyirsən necə,bilmirəm

    sən elə keçə bilmirsən,

    mən belə keçə bilmirəm,



    hər gələn yaz da qismətdi

    pay bir də, yüz də qismətdi,

    beş arşın bez də qismətdi,

    sovqatdı seçə bilmirəm,?



    sevgidi,dərddi,nahaqdı,

    nahaqda özü bir haqdı,

    dərddisə üzü boyaqdı,

    nədisə,içi bilmirəm

    2002





    (Akif Səmədə)



    Köhnə yurdlara bənzəyir,

    dag aşır,düzü gəzdirir,

    çölündə tufanlar gəzir,

    içində sözü gəzdirir,



    yosma kişidi yapagı

    can bilir ana torpaqi,

    qaragüldəndi papaqi,

    başında quzu gəzdirir,



    daglara sarıdı yönü

    bir yol tutub,yoxdu sonu,

    ürək gəzdirmir,ha bunu

    ürəyini özü gəzdirir



    birimiz deyirik çəkmə,

    birimiz deyirik içmə,

    orda durma,burdan keçmə

    dalınca bizi gəzdirir



    hər gün axtarır neçəsi,

    dördcə balaca qönçəsi,

    güldü,ləçəkdi İncəsi,

    Bakıda tozu gəzdirir,



    heç vaxt.,heç zaman nədi,

    əsirgərməz al qan nədi,

    fərqinə varmaz can nədi,

    candı da,yüzü gəzdirir

    2002


    (saz üstündə)

    Nə canı cannan ayırır,

    nədə ki,cana doyurur,

    külək qalxir,qar sovurur,

    gur yagışlar yagır sənnən



    dərd beləcə sözdümü ki,

    birdimi ki,yüzdümü ki,

    təkcə bir cüt gözdümü ki,

    əzrayıldı baxır sənnən



    bil mövlam haqqı işiyəm

    yerin,göyün gərdişiyəm

    mən könüllər dərvişiyəm

    gedəsiyəm axır sənnən

    2001





    M ə n yenə səni sevirəm



    Həsrətin yasıdı gulən,

    Omrumun qısıdı gələn

    Kimin qargısıdı gorən

    Mən yenə səni sevirəm



    Sacımda dəni sevmirsən

    Gozumdə çəni sevmirsən

    Sən yenə məni sevmirsən

    Mən yenə səni sevirəm



    Kimə varsan, kimə yoxsan

    Nə qədər sevgisən, haqsan

    Nə qədər məndən uzaqsan

    O qədər səni sevirəm

    2002





    (saz üstündə)

    Butalıdı yar yuxusu

    yastıgın ənbər qoxusu

    mənim həsrətim oxusun,

    sənin hicranın var olsun,



    buludlar uddu tüstümü,

    yagışlar aldı üstümü,

    gəlsədə əcəlim kimi,

    gəlsin, o anın var olsun,



    olacaqlar önə gəlsin,

    gələcəklər yenə gəlsin,

    yüz qanmazın dinə gəlsin,

    bircə qananın var olsun

    2001





    AYRılıqlar tanrılıqdı



    gözünnən aydın görürəm,

    qəmin-göyərən yeridi,

    deməsəndə mən bilirəm,

    dərdin-dərdindən yeyindi



    nə buludsan,nə yagırsan

    nə axan selnən axırsan,

    de niyə belə baxırsan,

    bu uçuq sənin evindi,



    sevdalar bir yara yeri,

    yarı göyün,yarı yerin,

    ürəyimiz ura yeri,

    əllərimiz kösöv yeri,



    bu nə sondu,ayrılıqdı,

    ayrılıqlar tanrılıqdı,

    içim şüşədi,sınıqdı

    məni qarga,söy indi

    2000





    BİR yalquzaq təki sınan təklənən,

    hövsələm,mən səni saxlayammıram,

    yaşaya bilmirəm yorgun ürəknən,

    bu çixiq gözlərnən aglayammıram



    kimdədi dolaşıq ucu kələfin,

    hardadı,tapmaga ümid yox az-maz

    gedib o dünyanı görüb gələnin,

    daha bu dünyada qorxusu olmur,



    bu qədər təzadlar,bu qeylu qallar,

    Allahın özünü başdan çıxarır,

    mənim bu qılıqsız,köntöy inadım,

    bir parça çörəyi daşdan çıxarır,



    sən uzaq ulduzum,yovuş mənimlə

    daha kimsənəyə yovuşammıram,

    sən cırnıq taleyim,barış mənimlə

    yox,daha səninlə barışammıram



    bu sinəm bir qara arxac yeridi,

    ürəyim qəfildən atlana bilər,

    nə yalvara bilər kösöv əllərim,

    nə sınıq dizlərim,qatlana bilər



    kimdədi dolaşıq ucu kələfin,

    hardadı,tapmaga ümid yox az-maz

    gedib o dünyanı görüb gələnin,

    daha bu dünyada qorxusu olmur,

    1992









    Heç kəs öz dərdini götürə bilmir

    Heç kəs öz dərdini,vallah dünyada

    hələ əlləriylə üzəngi basan,

    hələ ayaqları sallaq dünyada



    mürgülü başlarla ayılmır bəşər,

    özünü aldadır,başını qatır

    insan ipəkləşir yuxularında

    insan yuxularda tanrıya çatır



    elə ki,elə ki,qarnına yeyir

    elə ki,elə ki,əyninə geyir

    dönü başqalaşır,özünün olmur,

    dönüb qaşqalaşır,özünün olmur



    eldən çıxannarda

    çıxmaz yolundan

    yol tutar qolunnan yolunu azsa

    dünya peygəmbərlər dünyası olar

    oturub hər şair özünü yazsa



    dünyanı pay kimi dartın özünə

    bir bəxti kəm oglu özünü dartır

    özünə bənzəyir hər kəs qəbirdə

    ölülər qəbirdə özünü yatır



    diriynən diridi qəbirstanlıqlar

    fikir çözələyir hüzur yerləri

    allah,and yeridi qəbirstanlıqlar

    ən təmiz yerlərdi məzar yerləri





    hərə öz dərdini götürüb gedir,

    hərə öz dərdini vallah dünyada

    hələ əlləriylə üzəngi basan,

    hələ ayaqları sallaq dünyada

    1990





    Şamaxı qızları şair sevəndi

    (M.Ə.Sabirin ruhuna)

    Dünən bir məşədi bogaz yırtırdı,

    bogaz yırtırdı ki, qəzet alamyın,

    qəzetdə kitabda çoxlu yalan var,

    şairə,şeirə heç inanmayın

    şairdən millətə ancaq ziyan var,

    çoxda ki,qızların şair sevəndi,

    şamaxı,şairə allergiyan var,



    bir cansız böcəyə can isindirir,

    sıgınır bir çimdik ota,əncərə

    dünya Şamaxıya yıgışa bilir,

    Sabir Şamaxıya sıgışa bilmir,



    tacirlər,karvanlar,Şamdan qayıdır,

    Nəsimi soyulur,gedib Hələbdə

    Şamaxı qurtarmır şair əlindən,

    şairlər qurtarmır şərdən,kələkdən



    bir dəli maraga gedib ölən var,

    fərqi nə,qarşıda dumandı,çəndi

    Vallah yuxusunda şair görən var,

    Şamaxı qızları şair sevəndi.

    1992





    Əlli yaşıma

    Hardan yol gəlirsən,hardan bilinmir,

    qəbrin düşəcəyi yer bəllidimi?!

    gəlib əlli yaşa çatdın birtəhər,

    çatdıgın əlli də,bir əllidimi,



    Tanrım,bu necə ömürdü?

    yaşadım kirayə kimi,

    yürüdüm cəsədim üstə

    çatım bir ürəyə kimi,



    ölümsə son ucu ömrün,

    çoxdan keçdim bu son ucu,

    bir yoldu tutub gəlirəm,

    uzun,əzablı,yorucu



    İti sellərnən gurlaşan,

    dəli yellərnən kürləşən,

    qat-qat dərdlərnən dilləşən

    agrılarnan bışən canım



    yuvası uçuq quşlarnan

    göz üstə çatıq qaşlarnan,

    itib qarışıq başlarnan,

    qurdlarnan ulaşan canım,

    öz-özünə yoxuş olub,

    əzablardan bihuş olub,

    gecələri bayquş olub,

    yurdları dolaşan canım

    2000







    Yenə o daglar başında

    lalə,nərgiz bitərmi ola?

    mənim həsrətlərim ola,

    ömrüm başa yetərmi ola?



    şimşəkləri,gurşadları,

    qılınc yerinə qurşadım,

    sevdim,köhnəldim,korşaldım,

    sevdalar bir xətərmi ola?

    2000





    DÜNYA UCUZUNA GEDIR



    öMüR –BIR BAgLI SANDIQCA

    QIYMəTDə QARA FINDIQCA

    SAgIM,SOLUM BULANDIQCA

    ICIMDə UçUNMA GEDIR



    MəNIMKI SöZ SöYLəMəKDI,

    SöZDəN-SöZə BəYLəNMəKDI

    BU NECə NəF ELəMəKDI?

    ZIYANIN ICINNəN GEDIR



    KEçMIR KIMSəNIN SUçUNNAN

    QALMIR öZ KöHNə KöCüNNəN

    DüNYA ELE BIR UCUNNAN

    TUTUB UCUZUNA GEDIR

    1991





    Bu nə köçhaköçdü,a Talıf oglu



    Kimə çörək verib,kələk görübsən,

    neçə diz qatlayıb,bilək görübsən,

    hər qarış torpaga kürək veribsən,

    Bu nə köçhaköçdü,a Talıf oglu?



    geyib ayagına dəmir çarıgı,

    çatıb bir-birinə aranı-dagı,

    axirət əyyamı,ixtiyar cagı,

    Bu nə köçhaköçdü,a Talıf oglu?



    yaxşıdan keçirsən,pisdən keçirsən,

    keçilməz yolları,hirsnən keçirsən,

    Altaydan adlayıb,Qarsdan keçirsən,

    Bu nə köçhaköçdü,a Talıf oglu?





    nə əvvəlin bəlli,nə sonun bəlli,

    sürülü yaylaqlı,naxırlı,kəlli,

    zəmili,xırmanlı,sünbüllü,və lli

    Bu nə köçhaköçdü,a Talıf oglu







    bir yurd Canbaxcadı,bir yurdda Şıxlı,

    alnın düyünlüdü,yolun açıqmı?

    zurna-balabanlı,toylu-aşıqlı

    Bu nə köçhaköçdü,a Talıf oglu



    comərd yaşayıbsan,mərd dolanıbsan,

    elə yurd deyibsən,yurd dolanıbsan

    nədi,bu dünyanı dörd dolanıbsan,

    Bu nə köçhaköçdü,a Talıf oglu





    gör necə bürüdü duman dagları,

    yaman daglanıbdı şaman dagları

    Vallah əridəcək güman dagları

    Bu nə köçhaköçdü,a Talıf oglu

    Bu nə köçhaköçdü,

    Bu nə köçhaköç

    1989









    Ay Usuf dayı

    (Saraclı Usuf aganın ruhuna

    oxunan şer)



    Ömür dognaqda ikən

    doganaqdan keçmr örkən,

    daha «Molleyvə» göy ürgən

    burulmur,ay Usuf dayı,



    haqqın çəpəri kələkdən

    ələdi,keçdik ələkdən,

    fələk pislik eləməkdən,

    yorulmur ay Usuf dayı,



    nə deyr sözün qərəzi,

    əyrinin,düzün qərəzi,

    qurulmur mizan-tərəzi,

    qurulmur,ay Usuf dayı,



    Canbaxcanın baxtı yatıb,

    baxtsız yatıb,baxttı yatıb,

    sosorulmur nə vaxtdı yatıb,

    sorulmur,ay Usuf dayı



    yol itib arannan daga,

    daglar qalıb baxa-baxa

    ag sürülər göy yaylaga

    sürülmür ay Usuf dayı,



    Qəflə karvanlar boşalıb,

    iti qılınclar korşalıb,

    gərilən simdi Borçalı,

    qırılmır,ay Usuf dayı,



    gedər-gəlməzdimi yollar?

    qurdnan qalıb yurdlar ular,

    elə bulanıb ki,sular,

    durulmur,ay Usuf dayı



    xəyalım didərgin quşdu,

    başımda huşum dolaşdı,

    Saraclısız da Saraclı,

    olurmu,ay Usuf dayı,?!



    Molleyvə-

    (Ermənistanda Molla Eyyublu

    kəndi)

    1990



    Allah vergisi

    (Sona bülbüllər,Qıdirin səsi)



    Oy,məni bu səsin qargışı tutub,

    dikələ bilmirəm,belim əyildi

    yoxsa ki,bir qızın qargışı tutub,

    işim düz gətirmir iyirmi ildi,



    bülbül fəryadımı,şir qəzəbimi,

    can qurtara bilmir qəfəsdən Allah!

    de,durub çırpımmı özümü yerə,

    asımmı özümü bu səsdən Allah?!



    kim qıyar canına,günah götürüb,

    kim qıyar canına öz xoşluguyla,

    bir yaşıl budaga pənah gətirib,

    dərdini oxuyur quş quşluguyla,



    yara işləyirsə,dərd hoylanıbsa,

    səsin nə günahı,allah bəndəsi?

    mənim dərdlərimlə bir boydadısa,

    bir buxundadısa,elə bilirsən,

    Allah vergisidi Qədirin səsi,



    nə deyim,nə deyim,nə deyim indi

    bir verib,beş qırtıb,beş aparanlar,

    mənim gözlərimi yaş aparanda,

    nə çoxdu oxuyub baş aparanlar,



    agız dinazından,söz dinazından,

    sən özün hifz elə mərdləri,tanrım!

    bir yurd daşı üstə tənha,kimsəsiz,

    oturub aglayan bir kor qocanın

    Allah vergisidi dərdləri,tanrım



    1989







    Bir kəndin üstünə payız enirdi,



    Yarpaqlar yaralı əsgərlər kimi,

    səngərə yatırdı,yerə sinirdi,

    ixtiyar dagları,qübar alırdı

    Bir kəndin üstünə payız enirdi,



    bəlkə də qızılı rəngdən qızınıb,

    qəlbimdə qəriblik gümüldənirdi,

    sevincdən yazınıb,qəmnən yazınıb,

    Bir kəndin üstünə payız enirdi,



    şır-şır bulaqların gözü yol çəkər,

    bir də ki,borclunu,borclu sag istər,

    ürəyim bu payız bir vaqon təki,

    ötən qatarlara qoşulmaq istər,



    keçirdi gözlərim önündən bu an,

    neçə burulganlar,neçə axınlar,

    yadıma düşürdü yaxın uzaqlar,

    yadımdan çıxmırdı,uzaq yaxınlar



    …Toruna düşmüşdü söyüd küləyin,

    asıla qalmışdı gur saçlarından,

    bir kəndin üstünə payız enirdi,

    yapışa-yapışa agaclarından

    1974



    Bakının yazı



    Bakının bahara çıxan cagıydı,

    qızların yndırıb yaxan çagıydı,

    sevgimin kükrəyib agan çagıydı,

    məni dəli etdi Bakının yazı,



    dünyada hamının birdi umudu,

    qış öz gözlərini yaza yumurdu,

    qızlar söz umurdu,sevgi umurdu

    məni silkələdi,Bakının yazı,



    qəlbimdə bir ilıq yaz havasıydı,

    söyüd tumurcugu çırtdayasıydı,

    ürəyim sevincdən partdayasıydı,

    məni xumarlandırdı Bakının yazı,



    Ünvan Üzeyirbəy küçəsi idi,

    enişdən-yoxuşdan keçəsi idim,

    mən də milyonlardan bircəsi idim,

    get,hec qorxma,- dedi Bakının yazı….

    1975



    Ürək bilər

    (saz üstündə)

    Baglayıb açanı sənsən,

    kilidi,açarı sənsən,

    bilmirəm haçandı sənsən,

    bu həyatın başbiləni,



    yüz biləni çaşdırıbdı,

    söz biləni çaşdırıbdı,

    düz biləni çaşdırıbdı,

    bir xəlvətin çaş biləni,



    meh titrədər,yarpaq bilməz,

    ildırımı hər dag bilməz,

    səma duymaz,torpaq bilməz,

    bu yollarda daş biləni,



    kimi tapar,kimi dilər,

    kimi sızlar,kimi gülər,

    bilsə təkcə ürək bilər,

    gözdə bilməz,yaş biləni

    1980







    Niyə belə tozlu oldu bu yollar

    (saz üstündə)

    Ömür-gündü,gündən-günə azalan,

    xatirələr çözəyində çözələn,

    anam,sən də öz-özünə ozalan

    Niyə belə tozlu oldu bu yollar?



    dərdlərimi özüm çəkdim içimə,

    bənzəmək də istəmədim heç kimə

    ömrüm-günüm,sərt taledən incimə,

    demə: Niyə belə tozlu oldu bu yollar?



    belə gediş,gülünc gələr çoxuna,

    boş söz söhbət ürəyimə toxunar,

    baxışından çox gileylər oxunar:

    Niyə belə tozlu oldu bu yollar?

    1981









    (saz üstündə)

    Kövrəkdimi,ya sərtdimi,bilmirəm

    incikdimi,ya pərtdimi bilmirəm,

    bir arzumu cücərtdimi bilmirəm,

    yüz arzumu heç eləyən dünyadı,



    at işləməz agır yollar yorandı,

    işıgı gur,boranıda borandı,

    birdə gördün mərd qolunu burandı,

    haqlı-haqsız güc eləyən dünyadı,



    agbirçəyin,birçəyindən çəkinməz,

    cavanından,göyçəyindən çəkinməz,

    təzə açan çiçəyindən çəkinməz,

    vaxtlı-vaxtsız köç eləyən dünyadı

    1988





    Mən belə olmazdım..

    (saz üstündə)

    Səni məndən elədilər,

    qəlbimə qor ələdilər

    hisslərimi taladılar,

    yoxsa mən belə olmazdım,



    o alqışlar,bu qargışlar,

    taleyimə,nə bagışlar?

    quraqlıqda gur yagışlar,

    yagsa,mən belə olmazdım



    deyilməsə söz vaxtında

    agrısına döz vaxtında

    ildırımlar öz vaxtında,

    çaxsa,mən belə olmazdım

    1980





    Daglar

    (saz üstündə)

    Şimşəyinin çaxışına,

    buludunun yagışına,

    sellərinin axışına,

    könlüm darılmaz,darılmaz



    odun mənim din-imanım,

    hər daşına qaynar qanım,

    yüz illər keçsə peymanım,

    əhdim qırılmaz-qırılmaz,



    o gözəlin,yaraşıgı,

    mat eləyib hər aşıgı…

    ilk sevgimin gur işigı,

    burda qaralmaz-qaralmaz.

    1981







    Qarışdım suyuna büllur bulagın,

    durulub axmagı öyrətdi mənə,

    çinar,ucalardan uca durmagı,

    göylərə baxmagı öyrətdi mənə



    yolçusu oldugum çox səfərlərin,

    şeh damıb gözündən al səhərlərin,

    daglar,qoca daglar gur şəhərlərin,

    yoluna çıxmagı öyrətdi mənə



    palıdın meşədə duydum yaşını:

    sevdim çadar-çadar qaya daşını,

    vətən bu torpagın hər qarışıgını,

    sinəmə sıxmagı öyrətdin mənə

    1980







    VƏTƏN SİLSİLƏSİNDƏN

    (saz üstündə)

    Boyat-boyat hicranınla,

    qarıdasan,Vətən məni,

    bir gün Araz qurumasa,

    qurudasan,Vətən məni



    kotanınam,hodagınam,

    hər dərdinə ortagınam

    görsən quru budagınam,

    arıdasan,Vətən məni,



    bagında gülşən olmaga,

    dagında yovşan olmaga,

    çölündə kövşən olmaga,

    yaradasan,Vətən məni

    1985









    Didik-didik torpagınam,

    külək deşmiş papagınam,

    güllə deşmiş bayragınam,

    vətən,vətən,vətən,sənin



    hər parçan bir bayraq boyda,

    Aran hayda,yaylaq hoyda,

    dogransam da qulaq boyda,

    ötəninəm,vətən sənin,



    nə gördün yad gəlmələrdə,

    köntöy,pəltək kəlmələrdə,

    dolu gedən,gəmilərdə

    itəninəm,vətən sənin

    1986





    (saz üstündə)

    Ürək sınan şüşəmi oldu?

    yerim oldu,guşəm oldu

    yol gözləmək peşəm oldu

    qəfil gələnim olmadı



    uzagımdan soy hayladım

    söz söylədim,boy boyladım,

    sevincimi pay-payladım,

    dərdi bölənim olmadı



    təkləndimmi tək qurd kimi,

    tüstüm keçdi bulud kimi,

    unuduldum bu yurd kimi,

    görüb bilənim olmadı,



    duruldummu,kövrək olub,

    coşdummu heç külək olub,

    dik başına çiçək olub

    vətən,ələnim olmadı

    1986



    Qışı,yazı yollar yoran,

    durnalardan xəbər alan,

    arasında sərhəd duran,

    ulusum, elim qarışıq



    göyümdən baxan ulduzum,

    salxım-salxım,düzüm-düzüm,

    daglarında qarım,buzum

    dərəmdə selim qarışıq



    Heydərbabam,Savalanım,

    gəlim başına dolanım,

    bir qıy çəkim havalanım,

    öləndə ölüm qarışıq

    1983





    İçim dərdimnən gözənib,

    gözümdə tufan gizlənib,

    ulusum,yurdum düzdənib

    deyirsən ki,arxayınam



    nə yorub bezdirəsidi,

    nə də ki,göz görəsidi,

    nə dərviş gəzdirəsidi,

    bir daşlaşmış barxanayam,



    qurtarmaz gümanım mənim,

    əl çəkməz yamanım mənim,

    aman ver,amanım mənim

    agır yollar yorgunuyam

    1988

    Cəlili üstündə



    Yuxularda yurd

    (saz üstündə)

    Gedəmmirəm,gələmmirəm,ay Allah,

    nə ugrunda öləmmirəm ay Allah,

    gennənsədə görəmmirəm ay Allah,

    mən nə qədər yuxularda yurd görüm



    heç bilmirəm azmı çoxmu günahın ,

    yoxsa paksan,yoxsa yoxmu günahın,

    olacaqlar olacaqmı günahın?

    qoca dünya,günahını ört görüm



    ayılmıram bu nə agır yuxudu,

    bu qargışı ömrümə kim oxudu?

    bu fələyin atdıgı yay oxudu,

    qaldır görüm,tuşla görüm,dart görüm,



    dərviş ruhlar yalquzaq tək ulayar,

    yollar məni öz başına dolayar,

    daglar gennən dinazını yollayar,

    inanmıram,bunnan agır dərd görüm

    1980













    Dərd dərdə bənzəməz

    (saz üstündə)

    Dar ürəyə sıgınmaram,

    şen yurd qoyub darda,bala

    əl uzatma sarı simə

    aglayırsa pərdə,bala



    bir itgin gümanım yanıb,

    yanıb,din-imanım yanıb

    neçə arzumanım yanıb,

    axşamda səhərdə bala



    nə deyim aslan çaşanda,

    duru çaylar bulaşanda

    namərdin börkü başında

    olan oldu mərdə bala,



    çiynimdə bir yurd tükü var,

    nə mizan var,nə çəki var,

    bu dərdin dərin kökü var,

    dərd bənzəməz dərdə bala

    1989





    bizi yurd saxlayar

    (saz üstündə)

    Kimsə nagdı bəyənmirsə,

    sözü söznən deyəmmirsə

    söyməlini sğyəmmirsən

    çaglaya,çaglaya könlüm



    köşə çəkib uzatdılar,

    şişə çəkib közərtdilər,

    dişə çəkib qocaltdılar,

    yoxlaya,yoxlaya, könlüm



    cana doyub yetərsənmi,

    əl yelləyib gedərsənmi

    de bərkiyib bitərsənmi,

    laxlaya-laxlaya könlüm,



    asanca sənnən keçərlər,

    əzabından gen keçərlər,

    bir gün üstündən keçərlər

    aglaya-aglaya könlüm



    bir gün bədxahın haqlasa,

    daş üstə daşın qalmasa,

    sənnən bir nişan saxalasa

    yenə yurd saxlayar,könlüm

    bizi yurd saxlayar könlüm

    1988







    (saz üstündə)

    Qolum ocaq kösüyüdü,

    yanıq əlimi neyləyim,

    torpagım daşım daşınıb,

    qırıb,belimi neyləyim



    darda bir küsülüm qalıb,

    ürəyim bükülü qalıb

    odum keçib,külüm qalıb,

    soyuq külümü neyləyim



    gözümün biri gülməmiş,

    gözümün bir aglayır,

    qəribin göyü hönkürər,

    qəribin yeri aglayar,

    qərib elimi neyləyim

    1989


    Konu Bilgileri       Kaynak: www.azeribalasi.com

          Konu: Tahir TALIBLI

          Kategori: Azeri Şiirler

          Konuyu Baslatan: word_12

          Cevaplar: 1

          Görüntüleme: 860


  2. #2
    Gara Lele

    Standart

    sagolasan emeğine sağlıık ama konun baya bir uzundu inşallah oxuyan çıxar

Yer imleri

Yer imleri

Yetkileriniz

  • Konu Acma Yetkiniz Yok
  • Cevap Yazma Yetkiniz Yok
  • Eklenti Yükleme Yetkiniz Yok
  • Mesajinizi Degistirme Yetkiniz Yok
  •  

Giriş

Facebook Baglan Giriş