AŞIQ DANIŞIR
******************************************
AŞIQ PƏKƏR
Adım: AŞIQ PƏKƏR,mərdü-mərdana
Canından geçən var, meydana gəlsin
Köksəmdə dənizlər coşub bulanar
Boğulmaq istəyən ümmana gəlsin
1983ci ildə Təbriz şəhərində anadan olan müasir poet,Pəkər
təxəllüsü edən Sahibi Təbrizi dir.O, Azərbaycanın Ən əski şeir sənətində,hica poemasında təsərrüf edən bir şairdir
Onun yaradıcılığlarında,hica sənətinin Ən böyük sənətkarlarının təsiri göstərilir
-----------------------------------------
Başdan başa al əlvansan
Tac olubsan başa dağlar
Ömür boyu səndə gəzdim
Yaşa dağlar,yaşa dağlar
Xəstə Qasım
Əzəl gündən dayanıbsan
Dolubsan sən yaşa,dağlar
Ucaların dolar çənə
Ətəklərin daşa dağlar
Aşıq Pəkər
Ay ağalar,əhli-dövran
bir sözüm var demək olmaz
Hər nəmək naşinasınan
nanü nəmək yemək olmaz
Xəstə Qasım
Bir söz olar qan könüldə
Heç kimsiyə demək olmaz
Həq sözüdür dilə gəlsə
Min şan ilə yemək olmaz
Aşıq Pəkər
Necə bülbül düşər gülə
Ğünçə naz eylər bülbülə
Bü könüldən o könülə
Bir doğru caddə bilgilən
Xəstə Qasım
Heç oxşamaz bülbül gülə
Bil rəhm etməz gül,bülbülə
Bu könüldən o könülə
Yalan bir caddə bilgilən
Aşıq Pəkər
O möhtəşəm Füzulinin nəsliyəm
?Bəhrilərdə mən ümmanam,Sən nə sən
Yüz ondörd surəni mə-na eylərəm
?Mən əzbərdən quran xanam,sən nə sən
Xəstə Qasım
Gül olsanda bil solasan nihayət
Bülbülləri şahin tutmaqdır adət
Süleyman tək təxtdən düşərsən ğayət
?Mən qafidə əfsanəyəm,sən nə sən
Aşıq Pəkər
-----------------------------------------
Heyfi bilmədim,ki bu bülbülü
Şahi-gülrüxan istər,istəməz
Bu cəfa keşi,xəstə aşiqi
Yari-cansitan,istər istəməz
Nəbati
Saqi!,Aşiqi tərki sər deyən
?!Tərki dü cəhan,istər istəməz
Dildə çox sözü,bağlanıbdı lik
?!Bu sözə zəban istər,istəməz
Aşıq Pəkər
!Böylə bivəfa olma ey pəri
Etmə çox cəfa,ey sənəm,sənəm
!Gərdi rahını çəşmi tarıma
!Eylə tutiya,ey sənəm,sənəm
Nəbati
Gəl ki rəhm elə,olma bivəfa
!Eylə bir vəfa,Ey Sənəm,Sənəm
Mütləq ol səxa!,bəndədən xəta
!Eylə bir əta,Ey Sənəm,Sənəm
Aşıq Pəkər
-----------------------------------------
!Dərdü mihnətin,ey sənəm,sənəm
Eşq ilə çəkən bir mənəm,mənəm
Arü varını rahi mihridə
Tarü mar edən,bir mənəm mənəm
Niqari
Suzi-eşqini bir çəkən,çəkən
Aşiqi-zaman,bir mənəm,mənəm
Söylə ey səba,cansitanıma
Hicrinə yanan,bir mənəm,mənəm
Aşıq Pəkər
-----------------------------------------
Gələndə ustad kəlami
Köhnə yaram qan verir
Mocə gəlir bəhri çəşmim
Qətreyi-baran verir
Danəni torpaq içində
Göyərdir kani kərəm
Bir cüt mələk müqərrərdi
Bizlərə ərzan verir
Aşıq Ələsgər
Nəm gözlərim,ürəgimin
Bəhrinə tufan verir
Köhnə yaram toxtamamış
Yeni yaram qan verir
Könlümdəki qara qanlar
İşdən saldı məni lam
Qırx qaramı çıxartmamış
Qırxbirə fərman verir
Aşıq Pəkər
Hər kəs sərdən keçib,mərdü mərdana
Baş qoysun bu yolda,meydana gəlsin
Dərya dilim dalğa vurdu,bulandı
!Qərq olmaq istəyən ümmana gəlsin
Aşıq Ələsgər
Adım: AŞIQ PƏKƏR,mərdü-mərdana
Canından geçən var, meydana gəlsin
Köksəmdə dənizlər coşub bulanar
Boğulmaq istəyən ümmana gəlsin
Aşıq Pəkər
-----------------------------------------
Adam var,çox işlər eylər irada
Adam varki,yetə bilməz murada
Adam varki,çörək tapmaz dünyada
Adam var,yağ yeyər,balı bəyənməz
Adam var ki,adamların naxşıdı
Adam var ki,anlamazdı,naşıdı
Adam var ki,heyvan ondan yaxşıdı
Dindirsən o,heç insanı bəyənməz
Aşıq Abbas Tufarqanlı
Adam var bəzənər dönər min rəngə
Adam var çox danışar,verər əngə
Adam var ki sözünü deyər səngə
Tapılmaz bir qulaq-düzü mərdana
Adam var kişidi qaşların alar
Adam var nəfsini çox ucuz satar
Adam var könülü abad saldırar
Daldada mərdidi,üzü mərdana
Aşıq Pəkər
-----------------------------------------
Hər aşiqə aşiq demə
Aşiq yana,yana gərək
Hər alimə alim demə
Alim qana,qana gərək
Hər gözəldə ağıl olmaz
Hər söz şirin nağıl olmaz
Hər doğulan oğul olmaz
Doğan ana ana gərək
Aşıq Mikayıl Azaflı
Hər aşıqam aşıq olmaz
Aşıq yana,yana gərək
Qıla kə-bə,yarın qaşın
Yadı dana,dana gərək
Hər aliməm alim olmaz
Alim elmi qışda solmaz
Qağ alimlər elmə bulmaz
Alim qana,qana gərək
Aşıq Pəkər
-----------------------------------------
Könül səbrü qərar etməz
Gedər,yar olmayan yerdə
Məhəbbət payidar olmaz
Vəfadar olmayan yerdə
Vəfa qıl sən vəfadarə
Ulaşma hər biiqrarə
Mətain atma bazarə
Xəridar olmayan yerdə
Xuda,sən saxla gəl fərdi
Çətindir yalqızın dərdi
Pərişanlıq tapar mərdi
Həvadar olmayan yerdə
...
Xəstə Vidadi
Könül sən biqərar olma
Səbirdən,can ki xar olmaz
Eşit!namərdə yar olma
Edər əhdü qərar olmaz
Demə hər dərdi namərdə
Amandır!,yırtılar pərdə
Çox uyma sən bucur fərdə
O,sırra pərdədar olmaz
Xuda!et sən nəzər,mərdə
salıb dünya onu dərdə
Üzüldü qaməti yerdə
Ona bir kimsə yar olmaz
Aşıq Pəkər
-----------------------------------------
Bu bir neçə nümunələr,şairin hica poemasında təsərüfünü göstərir,Hica şeirin yüksək sənətkarları ilə tanış olmağı bizə məlum olur,Vurğu-məhəbbət sözü,incə-dərinli yazılarında ifadələnən şairin Qələmi,yadların gözünə bir silah gibi olmaqda,Xalqı qaranlıqdan qurtarmağa çalışır.Daha heç uzatmağı lazim bilmədən məktublarını sizə təqdim
.edirəm