azerbaycan sairlerinin siirleri

[Revane]

Nə zaman ki, rast gəlirəm bir-bir qoşa gəzənlərə,
Bir-biriyçin yerdən çiçək, göydən ulduz üzənlərə,
Sevgi üçün hər cəfaya, hər əzaba dözənlərə
Düşünürəm bu cahanda müqəddəslik yaşar hələ
Eşq, məhəbbət yaşayırsa tükənməyib bəşər hələ.

***

Qoca olsun, cavan olsun, zərrə qədər fərqi yoxdur,
Kim ki, tənha yaşayırsa ruhu yoxdur, qəlbi yoxdur.
Xilqət üçün eşqdən böyük himn yoxdur, şərqi yoxdur,
Kafiri də sevən olsa, açar, gözəlləşər hələ
Eşq, məhəbbət yaşayırsa tükənməyib bəşər hələ.

***

Onun üçün nə millət var, nə qanun var, nə sərhəd var,
Ayaqları sayalıdır, onda xeyir-bərəkət var.
O cahanda hökmransa ədalət var, hürriyyət var,
O yox isə müdrik şəxslər ləyaqətdən düşər hələ,
Eşq, məhəbbət yaşayırsa tükənməyib bəşər hələ.

***

Onun adı çəkiləndə Əsli, Kərəm yada düşür,
Leyli, Məcnun yada düşür, dərd-ələm yada düşür.
Füzuli tək yanar ürək, sirli aləm yada düşür,
Onu məğlub etməyiblər nə bir zülm, nə şər hələ,
Eşq, məhəbbət yaşayırsa tükənməyib bəşər hələ.

***

Onu nə var, nə də zinyət əvəz edir bu dünyada,
Nə bir sərvət, nə bir qüdrət əvəz edir bu dünyada.
Məhəbbəti, tək məhəbbət əvəz edir bu dünyada,
Ondan qeyri-dəyərsizdir min cür ləli-gövhər hələ,
Eşq, məhəbbət yaşayırsa tükənməyib bəşər hələ.

***

Sən ona can vermisənsə, verəcəkdir o sənə can,
Qanımızda, canımızda çağlayır o ölənəcən.
Axırıncı nəfəsəcən, əzrayılı görənəcən,
Bizlər gəldi-gedəriyik o əbədi yaşar hələ,
Eşq, məhəbbət yaşayırsa tükənməyib bəşər hələ.


GECİKMİŞ MƏHƏBBƏT.


Sən gizli gəlmisən ömrümə inan.
Bu gizli eşq ilə yaşayacağam
Dünyanın ən ağır yükü sayılan,
Gecikmiş məhəbbət daşıyacağam.
Sən mənim ömrümdə açan çiçəksən.
Onu ürəyimdə bəsləyəcəyəm.
Sən məni heç zaman görməyəcəksən
Mən səni hər zaman gözləyəcəyəm
Uzaqdan göz qoyub gözünə sənin
San ki görəcəyəm Allahımı mən.
Düşüb qarış - qarış izinə sənin
Əzbərləyəcəyəm yollarını mən
Səni zərə - zərə kəşf edəcəyəm
Səni milyon kərə kəşf edəcəyəm
Hər günü adınla başlayacağam
Hər günü adınla bitirəcəyəm.
Səni röyalarda oxşuyacağam
Səni xəyallarda itirəcəyəm.
Sən məni heç zaman duymuycaqsan
Mən bütün ömrünü izləyəcəyəm
Sən mənə məhəldə qoymayacaqsan
Mən səni həmişə səsləyəcəyəm.
Hər gün mənim üçün doğulacaqsan,
Hər gün mənim üçün yox olacaqsan,
Mənim sevincim də sən olacaqsan
Mənim kədərim də sən olacaqsan.
Mən sənin adına hər saat, hər an,
Qəlbimdə məktublar yollayacağam.
Sən heç vaxt fikrimdən çıxmayacaqsan,
Mən heç vaxt yadında qalmayacağam.
Beləcə həsrətlə qalacağam,
Keçib hər alovdan, keçib hər oddan,
Böyük əzabından şad olacağam,
Sən mənə həyatda ən doğma adam,
Mən sənə yaddan da yad olacağam,
Sən ömr edəcəksən ayrı adamla,
Mən kiməm, nəçiyəm bilmiyəcəksən
Bir gün bu dünyadan sənin adınla,
Köçüb gedəcəyəm bilmiyəcəksən.....

[BeNdeKiSeN]

bu da menen olsun...


Görənlər nərgisi-məstin, nigarim, öylə məst olmuş,
Çəkib səf dövri-çeşmində müjəntək paybəst olmuş.

O gündən kim, qaşın taqi olub taətgəhi-mərdüm,
Pozulmuş taqi-məscid, rövnəqi-minbər şikəst olmuş.

Nə xoş ülfət tutub zülfi-siyəh rüxsari-al ilə,
Təəccüb eylərəm, əf’i gedib atəşpərəst olmuş.

Olubdur xanəyek əbrulər ilə mərdümi-çeşmin,
Nə mərdümlik, dəxi əyrilə ol kim, həmnişəst olmuş.

Səba şərh eyləmiş guya bu gün qəddü rüxi vəsfin
Ki, gül pəjmürdələnmiş, qaməti-şümşad pəst olmuş.

Saqınma kim, çıxa sevdayi-eşqin ta əbəd sərdən,
Dilü can valehü heyran sana ruzi-ələst olmuş.

Nisari-məqdəminçün can kimi nəqdi-rəvacim var,
İnanma gər desə əğyar Zakir təngdəst olmuş.


QASIM BƏY ZAKİR