Tahir TALIBLI

[azeri_azeri_azeri]

Tahir TALIBLI

Tanrı

Gedən gedir,gələn gəlir
Yüngül sənnən,agır sənnən
Hər nə var sənnən başlayır
Əzəl sənnən,axır sənnən

Xoş üzünə açır güllər
Ləhcənnən oxur bülbüllər,
Sənnən əsir əsən yellər
Gümüş sular axır sənnən

Nələr sonaladım,seçdim
Odun gördüm,suyun içdim
Hər şeydən bezdim də, keçdim
Keçəmmədim axır sənnən

30.10.2008

Tahir TALIBLI

Qorxu

Gedirsən yoluna çıxır,
Durursan qarşına gəlir,
Qorxudu,qorxduqlarındı
Hamısı başına gəlir

Dagına daşına gələnlər,
Qurduna quşuna gələnlər,
Sonda başına gələnlər,
Əvvəldə tuşuna gəlir

Azında çoxun qurtarır,
Gözündə yuxun qurtarır,
Elə ki,qorxun qurtarır,
Ölümdə xoşuna gəlir
2007


Tahir TALIBLI

Gedən Süleymanlar,şahlar,
Dönən,taxtdı,taxtdı
Sənə güvəndiyim daglar,
Sənə də gümanım yoxdu

Gəldi də yaşımız çatdı,
Pisimiz,yaxşımız çatdı,
Insanı yaşadan baxtdı
Qəhr edən də baxtdı,baxtdı

Torpaq altda itəsiyik
Haqdan birdə bitəsiyik
Bir də çıxıb gedəsiyik
Desələr ki,vaxtdı,vaxtdı
2007

Tahir TALIBLI

Öz içimnən başladıgım
Sona çatıb yürüş daha
Butalamaz ayrılıqlar,
Kama yetməz görüş daha

Öz-özünə kim qocalıb,
Daha əllərim qocalıb
Içimdə içim qocalıb
Gətirəmmir duruş daha

Içibdi eşqin camını,
Dadıbdı dərdin tamını
Tanrının bu adamını
Göy üzünnən soruş,- daha
2007


Tahir TALIBLI

Yerin tanrının yanımı
Beləcə ucadı bilmədim,
Istədim açım qapını
Halın necədi bilmədim

Yeddi qat sirrər oyatdı
Yeddi dag,bələn oynatdı,
Sözün içimi göynətdi
Könlün incədi bilmədim

Çixmaqnan bitməz hər yoxuş
Bitməz,saqqalı agarmış
Bizdən öncə ölüm varmış
Ölüm öncədi bilmədim
2007

Tahir TALIBLI

Bir kimsə bilməz necəsən,
Xəbər yox halınnan sənin
Yarandı küllü-kainat,
Bir kəlmə olunnan sənin.

Biz kimik,heçik gedirik,
Zamannan keçib gedirik,
Beləcə,köçüb gedirik
Sagınnan solunnan sənin

Olanlar,Mövlam,xoş oldu
Mənim də peymanım doldu
Tahir bir xatasız quldu
Nə gələr qulunnan sənin
2006


Tahir TALIBLI

Enidbi tanrıdan,haqdan
Dərddi yenə bizə gəlir,
Gedən aldanışa gedir,
Gələn hələ duza gəlir.

Mayası qudurub nəfdən
Kefcili bayılıb kefdən,
Əzrayılla hər tərəfdə
Adamlar üz-üzə gəlir

Beləcə dogub törəyib
Qurdu qəmgin,quşu qərib
Bizi yiyəsizmi görüb
Ölüm üstümüzə gəlir
07-08 mart 2008

wwwtaliblitahir.azeriblog.com

[Linkleri Görebilmek İçin Üye Olmanız Gerekmektedir. Üye Olmak İçin Tıklayın...]