İçi almalarla doldurulmuş ördək resepti

[AyMaRaLCaN]

İçi almalarla doldurulmuş ördək resepti



Dadlı yeməyin daha bir resepti - İçi almalarla doldurulmuş ördək resepti.

Tərkibi:
2 kq ördək
1-2 ədəd turş alma (300 qram)
200 qram içalat (toyuq və yaxud ördək)
150 qram bekon
1 ədəd soğan
1 ç.q. mərzə
1-2 ədəd kəklikotu yarpağı
zeytun və yaxud bitki yağı
1-2 x.q. çörək qırıntıları
1 ədəd yumurta
duz, yeni döyülmüş istiot

Hazırlanma qaydası:
Ördəyi yuyub, yaxşıca qurulayın.
Boşqabda duz, mərzə, yeni döyülmüş istiotu birləşdirib, üzərinə bitki yağı tökərək qarışdırın. Hazırladığınız qarışıqla ördəyin içini və üstünü yaxşıca sürtüb 2-3 saat ərzində kənarda və yaxud axşamdan soyuducuda saxlayın.

İç hazırlamaq üçün:
Toyuq və yaxud ördəyin içalatını yuyub xırdalayın.
Bekonu nazik dilimlərlə doğrayıb, zeytun və yaxud bitki yağında 30-60 dəqiqə ərzində qovurun. Qızardılmış bekonu tavadan götürüb ayrı boşqaba qoyun. Həmin tavaya isə yarımhalqa şəklində doğranılmış soğanı töküb, üzərinə duz səpin, 4-5 dəqiqə ərzində qovurun.
Qızardılmış soğanları tavadan götürüb boşqabdakı bekonun üzərinə əlavə edin. Yenə də həmin tavaya içalatı töküb 20-30 saniyə ərzində bişirin. Daha sonra qızardılmış içalatın üzərinə bişmiş bekon və soğanı əlavə edib qarışdırın.
Almaların qabığını soyub xırdalayın.
Bir boşqabda xırdalanmış alma, bekon, içalat, soğan, kəkliotu yarpaqları, duz, yeni döyülmüş istiot və çörək qırıntılarını yaxşıca qarışdırın. Yumurtanı sındırıb, həmin qarışığın üzərinə tökərək qarışdırın.
Daha sonra ördəyin içini hazırladığınız içlə doldurub, mətbəx ipiylə tikin və yaxud kokteyl çubuğuyla bərkidin. İçi doldurulmuş ördəyi dərin yağlanmış forma qabına qoyub üzərinə yarım stəkan su tökərək, 2 saata qədər 180 dərəcə qızdırılmış sobada bişirin. Ördək çox yağlı olmasın deyə, bişirilən zaman hər 30 dəqiqədən bir ördəyin döş və bud hissələrindən kokteyl çubuğu ilə deşin. Sonra ördəyin üzərinə onun ərinmiş yağını tökərək, qızarana qədər bişirin. Bişməyinə 30 dəqiqə qalmış kənarlarına iri və yaxud iki hissəyə bölünmüş almaları düzün.
Bişməyinə 15-20 dəqiqə qalmış ördəyin üzərinə duzlu su töküb (2-3 ç.q. duz+3-4 x.q. su), bişirin. Bişmiş ördəyi falqaya büküb, 10-15 dəqiqə ərzində kənara qoyun.
Süfrəyə verərkən, ördəyi bişmiş almalarla bəzəyin.
Nuş olsun!