Qədir Rüstəmov ölüm-qalım mübarizəsi aparır”
Xanımı: “İndi hamı bayram qeyd edir, biz də qalmışıq burda...”
17 gündür İstanbulun “Acıbadem” Xəstəxanasının reanimasiya şöbəsində koma vəziyyətində olan xalq artisti Qədir Rüstəmovun səhhətində heç bir irəliləyiş yoxdur. Bunu Lent.az-a açıqlamasında sənətkarın həyat yoldaşı Fatma Rüstəmova deyib. O bildirib ki, həkimlər xəstənin yanına girməyə icazə verirlər: “Biz uzaqdan gəlmişik deyə, yanına girməyimizə icazə verirlər. Mən və oğlu 2-3 saatdan bir gedib baxıb çıxırıq. 17 gündür eyni vəziyyətdədir. Heç bir dəyişiklik, irəliləyiş yoxdur. Ölüm-qalım mübarizəsi aparır. Həkimlər deyir hazırda ancaq onun bədənini toparlamaq lazımdır. Çünki şüa müalicəsindən sonra bədəni çox zəifləyib, mikrob düşüb. Ona görə də müalicə edirlər, antibiotiklər vurular, dərmanlar verirlər. Biz də ancaq gözləyirik”.
Fatma xanım bayram günlərini xəstəxanada keçirəcəklərinə görə, çox kədərləndiyini də bildirib: “Bayaq girdim yanına. Qədirə baxıb fikirləşdim ki, indi hamı bayram qeyd edir, biz də qalmışıq burda. Biz hər il Qurban bayramını elə təntənə ilə qeyd edirik ki... Qurban kəsib paylayıb. Keçən il Qurban bayramında oğlum nişanlı idi. Nişanlısıgilə qurbanlıq aparmışdıq. Ancaq bu il bayramı xəstəxanada qeyd etmək məcburiyyətindəyik. Təki, Allah axırını xeyir etsin. Allahdan mal, mülk, pul istəmirəm Bircə onu istəyirəm ki, Qədir gözünü açıb baxsın. Gözünü açsa bəsimdi. Ömrümün axırına qədər o vəziyyətdə ona qulluq etməyə hazıram”
Sona bulbullerin ilk ve son ifacisi
alinti