PDA

Orijinalini görmek için tıklayınız : Azərbaycanda taxıl istehsalı azalıb



ekbereli
27.08.10, 08:04
Bu günə qədər Azərbaycanda 1 milyon 852 min ton taxıl istehsal olunub. Dövlət Statistika Komitəsinin məlumatına görə, bu ötən ilin eyni dövründəkindən 967 min ton azdır. Artıq sahələrin 99 faizində biçin başa çatıb və 1 milyon 852 min ton taxılın 1 milyon 307 min tonu buğdadır. Buğda istehsalı isə ötə ilkindən 827 min ton azdır.

Məlumatda o da bildirilir ki, indiyə qədər biçilən sahələrin orta məhsuldarlığı 19,8 sentner təşkil edib. Bu da 2009-cu ildəki göstəricidən 6,1 sentner aşağıdır. Məhsuldarlıq buğda sahələrində daha çox - 6,6 sentner azalaraq 19,9-a enib.

Kənd Təsərrüfatı Nazirliyində deyirlər ki, bu il qarğıdalı da daxil olmaqla ölkədə 2 milyon tondan çox taxıl tədarük olunacaq. Bu da 2009-cu idəkindən 1 milyon ton az olacaq.

Taxıl istehsalının kəskin azalması qiymətlərə də ciddi təsir göstərib. Ötən il 15-16 qəpiyə satılan buğdanın kiloqramı indi 25-30 qəpikdən yüksəkdir. Bunlara baxmayaraq nazirlikdə deyirlər ki, Azərbaycanda taxıl qıtlığı və çörəyin bahalaşması müşahidə olunmayacaq/ menbe: deyerler.org