Avqustun 30-da Ankarada Türkiyə Quru Qoşunları Hərbi Məktəbinin məzunlarına diplomların təqdim olunması mərasimi keçirilib. Türkiyə prezidenti Abdulla Gül, baş nazir Rəcəb Tayyib Ərdoğan, parlamentin sədri Məhmət Əli Şahin və Türkiyə Silahlı Qüvvələri Baş Qərargahının rəisi, ordu generalı İlkər Başbuğun qatıldığı mərasimdə Azərbaycandan olan 20 məzuna da diplomlar verilib. Gənc zabitlərin 7-si qızdır.
Avqustun 30-da paytaxt Bakının “Gülüstan” sarayında Türkiyə Silahlı Qüvvələrinin attaşesi, general-mayor Özhan Ayaş ölkəsinin “Zəfər bayramı və Türk Silahlı Qüvvələri günü” münasibətilə rəsmi qəbul təşkil edib. O, 1922-ci il avqustun 30-da türk xalqı və Türkiyə Silahlı Qüvvələrinin Mustafa Kamal Atatürkün öndərliyi ilə tarixi zəfərini qazandığını vurğulayıb. Attaşe Atatürkün “Yurdda sülh, cahanda sülh” nəsihətini rəhbər tutan Türkiyə ordusunun hazırda ən güclü ordulardan olduğunu, Türkiyə hərbçilərinin dünyanın müxtəlif bölgələrində sülhməramlı missiyanı yerinə yetirdiyini bildirib.
Qəbulda dövlət və hökumət nümayəndələri, Milli Məclisin deputatları, xarici ölkələrin Bakıdakı səfirləri və digər rəsmi şəxslər iştirak ediblər.Xebere gore ictimai.tv tskur edirik.