Öləcəyəmmi ana ?

[BALACAGIZ]

Ya əllərin çox isti ya da mənimkilər çox soyuq
Qıçım ağrıyır qanım axmır sanki donuq
Ürəyim üşüyür, yoxsa öləcəyəmmi ana ?

Gözyaşım axmır nədənsə gözlərini ver ana
Ya sən ağlayırsan ya da mənim ürəyim
Canım ağrıyır içdən içə və donur əlim
Bu səssizlik niyə yoxsa öləcəyəmmi ana ?

İstilənmir ayaqlarım nədənsə ürəyini ver ana
Ya bədənim islanmış ya da bədənimdən canım çıxır
Selen müəllimim harada, gözlərim həmişə onu axtarır
Bu ağı bu fəğan kimə, yoxsa öləcəyəmmi ana ?

Güllərim qurumuş başımda onlara gözyaşlarımı ver ana
Ya susuzluqdan ağlayırlar ya da mənim ağrılarıma
Və Selenim; gedərsəm yaxşı bax anama, qardaşıma
Gülən gözlərin solmuş, yoxsa öləcəyəmmi ana ?

Qaranlıq çökür otağıma işığını ver ana
Ya mənim gözlərim qəralmış ya da günəşim doğulmamış
Hiss edirsənmi bilmirəm ana, gözlərin islanmış
Ovucların yaşla dolmuş, yoxsa öləcəyəmmi ana ?