Xatirəm qalıbdı o günlərdə
Sözlərin səslənir daim dodaqda.
Görürəm gəzirsən məndən uzaqda.
Dayanıb doyunca süzə bilmirəm.
Mən bir gəmi idim, sənsə yelkəni.
Dalğalar içində itirdim səni.
Nə qədər unudub atsanda məni.
Həqiqi sevgidən bezə bilmirəm.
Səs verə bilmədin mənim hayıma
Gedincə bir dəniz düşdü payıma
Qərq olub gedirəm onun suyuna
Tükənib taqətim, üzə bilmirəm.
Sevdiyim eşqimi yelə veribdir.
Könlümün sarayını viran edibdir.
Bu mənim sevdam boşa gedibdir.
Əzəldən bilirdim, təzə bilmirəm....
Yaşadıq ikimiz gizli məhəbbət.
Heç zaman etmədin mənə mərhəmət.
İşıqlı sevgidə yarandı zülmət.
Günəşim zülmətə doğmayacaqdır.
Uzatsan əllərin çatmayacaqdır.
Yadından çıxıbdır mənim sözlərim
Amma sən olmusan mənim əzbərim
Sevgi ilə gözünə baxan gözlərim
Bir daha üzünə baxmayacaqdır.
Uzatsan əllərin çatmayacaqdır.
Ayırdın əlinlə göz ilə qaşı
Ürək yox,sinəndə saxladın daşı.
Yolunda axıtdım gözümdən yaşı.
Qurudu gözlərim axmayacaqdır.
Uzatsan əllərin çatmayacaqdır.
Çox şirin eşitdim sənin dilindən.
Faydalar görmədim onun birindən.
Əllərim tutacaqdı sənin əlindən.
Vəfasız əllərin tutmayacaqdır.
Uzatsan əllərin çatmayacaqdır.
Bir zaman sənindim sənin əlində.
Məni də itirdin günün birində.
Mənim sevgim durub önündə.
Daş olan qəlbini oxlayacaqdır.
Uzatsan əllərin çatmayacaqdır.